Íslendingar hafa að undanförnu verið hvattir til að gefa Ómari Ragnarssyni eitt þúsund krónur í sjötugsafmælisgjöf sem þökk fyrir ómetanleg störf í þágu Íslenskrar náttúru.   Þannig hljóðaði  auglýsing á nýlegri síðu sem finna má á samskiptavefnum facebook.  Það er athafnamaðurinn Friðrik Weisshappel sem stendur fyrir síðunni.   Ómar sagði í viðtali að allt sem safnast á reikning hans fram til 16. September umfram það er hann þarfnast  verður gefið Grensásdeildinni eða öðrum líknarfélögum.  

Heimasíða HG hefur fregnað að skipulagsráð Reykjavíkurborgar hafi samþykkt að heimila grenndarkynningu á framkvæmdum er varða endurbót á bílstæðum við Grensás og hún muni taka um 30 daga. Ekki er búist við athugasemdum nágranna, enda engin fjölgun bílastæða. Á þessum tíma verður gengið frá undirbúningi framkvæmdar með framkvæmdasýslunni LSH og um leið og framkvæmdasýslan hefur staðfest verkefnið er hægt að inna af hendi greiðslu vegna þess og þá koma fjárhæðir er söfnuðust í söfnunarátakinu “Á rás fyrir Grensás” til góða!    Allt að gerast!

Sigþrúður Loftsdóttir,  iðjuþjálfi á Grensásdeild, er sést hér ásamt Þóri Steingrímssyni og Eddu Heiðrúnu Backman, á góðri stund.  Hún hefur eins og í fyrra stutt vel við okkur með því að láta skrá HG sem góðgerðarfélag sem hægt er að heita á í tengslum við Reykjavíkurmaraþonið þ. 21. ágúst nk.. Það væri því gott ef þið sæuð ykkur fært að benda vinum og vandamönnum á að hægt er að hlaupa fyrir Grensás og/eða styrkja málstaðinn. Það er einfalt að skrá sig og fyrir neðan eru smá leiðbeiningar um það,  sem skipuleggjendur Reykjavíkurmaraþonsins , þ.e.  Íslandsbanki hafa veitt.

Þriðjudaginn 29. júní 2010 afhenti Gunnlaugur Júlíusson,  ofurhlauparinn þekkti,  söfnunarátakinu  „Á rás fyrir Grensás“, á Grensásdeild Landspítala Háskólasjúkrahúss, sem Edda Heiðrún Backman leikkona átti frumkvæðið að undir merkjum Hollvina Grensásdeildar (HG),  300 þúsund króna afrakstur bókar sinnar “Að sigra sjálfan sig”,  sem Vestfirska forlagið hefur gefið út.  

Vel sóttur aðalfundur Hollvina Grensásdeildar var haldinn 19. apríl í safnaðarheimili Grensáskirkju. Sérstakur gestur fundarins var Álfheiður Ingadóttir, heilbrigðisráðherra og var Edda Heiðrún Backman gerð að heiðusfélaga.