Þriðjudaginn 29. júní 2010 afhenti Gunnlaugur Júlíusson,  ofurhlauparinn þekkti,  söfnunarátakinu  „Á rás fyrir Grensás“, á Grensásdeild Landspítala Háskólasjúkrahúss, sem Edda Heiðrún Backman leikkona átti frumkvæðið að undir merkjum Hollvina Grensásdeildar (HG),  300 þúsund króna afrakstur bókar sinnar “Að sigra sjálfan sig”,  sem Vestfirska forlagið hefur gefið út.  

Gunnar Finnsson, formaður veitti þessari söfnun móttöku og þakkaði Gunnlaugi, er studdi með einstökum myndarbrag við söfnunarátakið en þess er skemmst að minnast, er það hófst formlega með hlaupi hans,  í samvinnu við UMFÍ,  frá Grensásdeild þann 5. júlí 2009 til Akureyrar þar sem því lauk fimm dögum síðar, þann 10. júlí 2009.