Frá stjórn HG
Gunnar FinnssonVerið velkomin á heimasíðu Hollvina Grensásdeildar (HG) og þakka ykkur fyrir áhugann sem þið sýnið með því að líta inn. Hér má finna ýmsan fróðleik um starf og mikilvægi Grensásdeildar fyrir þjóðfélag okkar.
VISSIR ÞÚ...
LANDSPÍTALINN – NÝBYGGINGAR VIÐ HRINGBRAUT
Því er fagnað að nú skuli loks eiga að finna margdreifðum rekstrareiningum Landspítala háskólasjúkrahúss einn samanstað. Hins vegar er lausnin sem virðist hafa orðið fyrir valinu mikið áhyggjuefni bæði hvað varðar byggingar- og rekstrarkostnað, og eins að hún er langt því frá eins notendavæn og hún mætti og ætti að vera. Tekið er á nokkrum meginatriðum í þessu sambandi hér fyrir neðan. Önnur, sem skipta máli en ekki rædd eru t.d. kostnaður við aðkomukerfi, við húsnæði fyrir vísindastarfsemi, sem stór spurning er um hvort allt þurfi að staðsetja við spítalann, o.fl..
Áheit í Reykjavíkurmaraþoni.
Í Reykjavíkurmaraþoninu sl.laugardag voru margir sem styrktu Hollvini Grensás með áheitum á hlaupara. Þeim öllum ásamt hlaupurum eru hér með færðar þakkir Hollvina. Einn þessara duglegu hlaupara er Örn Vigfús Óskarsson, mikill keppnismaður. Hann hefur tekið þátt í Reykjavíkurmaraþoni í 5 ár og setur ávallt persónulegt met um leið. Auk þessa ótrúlega árangurs er hann einna atkvæðamestur við að safna áheitum til handa Hollvinum Grensás, nú að upphæð kr.384.000.
Mótorhjólamessa til stuðnings Hollvinum Grensásdeildar!
.JPG)
Þriðjudaginn 9. ágúst 2011 afhentu fyrirsvarsmenn Sniglanna, Grillhússins og Digraneskirkju, Hollvinum Grensásdeildar, fjárhæð er safnaðist saman á Mótorhjólamessu í Digraneskirkju fyrr á þessu ári. Vilja þeir leggja áherslu á mikilvægi endurhæfingarhlutverks Grensásdeildar. Hafa forsvarsmenn þessara samtaka hug á því að gera þetta að árlegum viðburði annan í Hvítasunnu í Digraneskirkju, þá með stuðningi Grillhússins á Sprengisandi í Reykjavík, er grillar sérstaka „Easy Riders hamborgara“.
Reykjavíkurmaraþon 2011
Reykjavíkurmaraþonið 2011 fer fram þann 20. ágúst nk.. Sigþrúður Loftsdóttir, iðjuþjálfi á Grensásdeild, hefur eins áður reynst okkur einstakur haukur í horni með því að láta skrá HG sem góðgerðarfélag sem hægt er að heita á í tengslum við maraþonið og vera tengiliður okkar gagnvart skipuleggjendum þess. Í fyrra hlupu 19 einstaklingar fyrir HG og námu áheit á þeirra vegum 441 þús kr., sem eru miklar tekjur fyrir HG. Það væri því gott ef þið sæuð ykkur fært að benda vinum og vandamönnum á að hægt er að hlaupa í Reykjavíkurmaraþoninu fyrir HG og/eða styrkja málstaðinn með áheiti á hlaupara sem hleypur fyrir HG.
Hávarður Tryggvason afhendir tæpar hálfa milljón!
Fimmtudaginn14. júlí 2011 afhenti Hávarður Tryggvason, bassaleikari og „Ísfirðingur“, stjórn Hollvina Grensásdeildar allt að kr. 500.000,- til styrktar deildinni. Gunnar Finnsson, formaður Hollvina Grensásdeildar tók við fjárhæðinni við hátíðlega athöfn á deildinni með þakkarorðum. Stefán Yngvason, yfirlæknir, tók einnig til máls og þakkaði Hávarði fyrir hans framtak.
Hávarður sigraði Vestfirðina og sver sig í ættina!
Hávarður ritaði á Fésbókina [Smettið]: "Þá var komið að lokadeginum í þessum frábæra hring. Lagði af stað frá Súðavík og hélt sem leið lá í gegnum Ísafjörð og fór inn á Óshlíðarveginn sem nú er víst aflagður. Þetta er ofsalega falleg leið en um leið hrikaleg og maður skilur vel að fólkið á svæðinu sé fegið að hafa fengið göng.
Á Rás fyrir Grensás – Vestfirski hringurinn
Kontrabassaleikarinn, Hávarður Tryggvason, ætlar að styrkja starfsemi Grensásdeildar með því að safna framlögum fyrir "Á rás fyrir Grensás" átak Hollvina Grensásdeildar, í 700 km hjólreiðarferð um Vestfirði, sem hann leggur í þ. 22. júní nk..
Ingólfur Örn Margeirsson, sagnfræðingur, látinn
Ingólfur Örn Margeirsson, sagnfræðingur, rithöfundur og blaðamaður m.m. lést á heimili sínu föstudaginn 15. apríl 2011. Ingólfur var virkur félagi í Hollvinum Grensásdeildar og var ávallt reiðubúinn að leggja hönd á plóginn í viðleitni HG til bæta aðstöðu og efla starfsemi Grensásdeildar. Hann skrifaði greinar um þau mál og var talsmaður þeirra í fjölmiðlum. Við í HG vottum konu hans og fjölskyldunni allri einlæga samúð í þeirra mikla missi og kveðjum Ingólf með innilegu þakklæti fyrir samvinnuna og þann andans auð og gleði sem hún færði okkur.
Góður árangur af góðri söfnun
Aðalfundur HG [Hollvina Grensásdeildar] var fjölsóttur í safnaðarheimili Grensáskirkju dags.31.03.2011. Gengið var til venjubundinnar dagskrár og Þórir Steingrímsson var kosinn fundarstjóri og Guðrún Pétursdóttir fundarritari. Þá gaf Gunnar Finnsson, formaður HG skýrslu stjórnar og síðan gerði Þórunn Þórhallsdóttir, gjaldkeri, grein fyrir reikningunum. Nokkrar fyrirspurnir vor bornar fram og síðan var skýrsla stjórnar og reikningarnir samþykktir.
Árangur af Á RÁS FYRIR GRENSÁS!
Komið hefur fram að Aðalsteinn Pálsson, deildarstjóri fasteigna, Eignasviði Landspítala kynnti fyrir stjórn Hollvina Grensásdeildar um stöðuna og hönnun og framkvæmd við yfirbyggingu bílastæðisins við aðalinngang Grensásdeildar. Þá hefur hann einnig lagt fram kostnaðaráætlun og liggja þetta fyrir hér á heimasíðunni til kynningar og hægt er að sækja þessar upplýsingar hér:
Vefsíðugerð & vefhönnun: Smartmedia © 2011